Skip to content

22

Curative Medicine

Dean Message
رئيس پيغام
لوړې او مسلکي زده کړې په هر هېواد کې د نېکمرغه سوکاله ژوند او د يوې پر مختللې ټولنې د جوړولو په موخه تر سره کېږي

دا ډول زده کړې ټولنې ته د داسې علمي او مسلکي کادرونو د روزنې اساسي دنده په غاړه لري، چې هغوي د يوه ملت رښتينې او اساسي معنوي پانګه ګڼل کېږي. د همدې لوړو او مسلکي  زده کړو د عامولو او پراخولو په پايله کې کېداي  شي  يوه ټولنه او وګړي يې د سوکالۍ په لور حرکت وکړي. هر څومره ،چې د علمي او مسلکي کادرونو د روزنې په لارو چارو کې اغېزمنې هلې ځلې کېږي په هماغه کچه ټولنه د نېکمرغۍ او هوساينې په لور چټک ګامونه اخلي. سپين غر د لوړو زده کړوخصوصي مؤسسه د معالجوي طب پوهنځي په درلودلو سره د عملي کار لپاره د سپين غر مومند تدريسي روغتون په نوم عصري او مجهز روغتون لري، چې په پرمختللو عصري وسايلو سمبال روغتون دي او محصلينو ته د عملي زده کړې تر څنګ د هېواد والو لپاره په معالجوي برخه کې هم فعاليت کوي. سپين غر   د لوړو زده کړو خصوصي مؤسسې  معالجوي طب پوهنځي د خپلو محصلينو د علمي کچې د لا پياوړتيا او لوړولو لپاره پر تجربوي موادو او وسايلو مجهز لابراتوارونه،د نشراتو او څېړنو آمريت، کتابتون،کمپيوټر لب او د نړېوالو معيارونو سره سم په پروجکتور او LCD سمبالې تدريسي خونې لري. د ټولو هېواد والو او په ځانګړي توګه سپين غر د لوړو زده کړو خصوصي مؤسسې (ننګرهار) محصلينو  ته د خداي (ج) څخه کاميابي او برياليتوب غواړم.

 

په درنښت

پوهنمل دوکتور محمد معشوق عثمانزي

د معالجوي طب پوهنځي رئيس

logoWhite

Spinghar Institute of Higher Education (SIHE) was established in 2009, with the Ministry of Higher Education (MOHE) on Reg. 19 in Afghanistan.

Angoor Bagh Chowk Nangarhar.
info@spingharuniversity.edu.af
+93 (0) 79 43 85 859