Stomatology Faculty

ستوماتولوجي پوهنځي رئيس پيغام

دا چې د خولې د جوف او غاښونو علوم د نورې نړۍ پرتله زمونږ په ګران هېواد افغانستان کې وروسته پاتي دي، نو په دې اساس   سپين غر د لوړو زده کړو مؤسسې په  ۱۳۹۰(هـ – ش)کال کې د لوړو زده کړو وزارت  تر چتر لاندې د ستوماتولوژي پوهنځي هېوادوالو ته د خدمت او د نړۍ سره د انډول برابرولو لپاره د بنسټ ډبره کېښوده.  ستوماتولوژي پوهنځي د هېوادوالو د خدمت لپاره يو شمېر کادرونه ټولنې ته وړاندې کړي دي او دا سلسله لا  جريان لري .

زه ددې پوهنځي د رئيس په توګه ټولو درنو هېوادوالو سره ژمنه کووم، چي د تحصيلي معيار د ساتلو، د لوړو زده کړو وزارت د قوانينو مطابق د لوړو زده کړو کيفيت ته ارتقاع او د هېواد والو د باور تر لاسه کولو لپاره هلې ځلې کوو، تر څو چې په ګران هېواد کې د شته ستونزو ،چې د غاښونو او خولې د جوف په برخه کې يې لرو له منځه يوسوو او د نړۍ په معيار ځان برابر کړو.

له تاسو ټولو قدرمنو محصلينو څخه مې هيله داده ،چې د خپل ځان او هېواد د راتلونکي لپاره بې حده زيارونه وباسئ او د پورته ذکر شوو ستونزو د حل لپاره له مونږ سره اوږه په اوږه ودرېږئ، تر څو د غاښونو د طب په برخه کې يو معياري بنسټ ولرو.

په درنښت

دوکتور عبدالله ( رحمانی (

د ستوماتولوژي پوهنځي رئيس

لرلید

د يوه داسې غوره او باارزښته سيستم په رامنځته کولو سره، چې د غوره کړنو او نوې عصري ټکنالوژۍ له لارې د پوهې، ټولنيزو خدمتونو او څېړنو پر بنسټ ځوان کادرونو ته د ودې ورکولو پواسطه د خولې د جوف  د وقايوي او روغتيايي علومو په ډګر کې په ملي او بين المللي کچه يو مخکښ پوهنځی وي.

رسالت

د محصلينو د علمي، عملي او څېړنيزو غوښتونو پوره کولو لپاره د اړينو تحصيلي سرچينو چمتو کول، د طبي زده کړو پرمختګ، د طبي معلوماتو او پوهې اغيزمن کارول، د معلوماتو مديريت او د نړۍ په کچه د خولې د جوف  طبابت او ادبياتو لاسرسي لپاره کار کول دي.

موخې :

·       په اعلی او معياري تعليم سره د ستوماتولوګ (DMD ) ډاکټران ټولنې ته وړاندې کول.

·       د غاښونو په برخه کې کلينيکي او پارا کلينيکي روزنه چمتو کول.

·       په پوهنځي کې په دوامداره توګه د لوړو زده کړو کيفيت ته وده ورکول.

·       په محصلانو کې طبي پوهې ته په نظري او عملي ډول وده ورکول،او همدارنګه د دوي په کاري مهارتونو باندې کار کول، چې په مؤثر ډول د ټولنې او خلکو خدمت وکړي.

·       محصلينو ته د عامې روغتيا د اهميت په اړه روزنه ورکول.

·       په ځانګړې تدريسي ميتودونو باندې د غاښونو طب په برخه کې د داسې کادرونو روزل،چې د هيواد اړتياوې پوره کړي.

·       وخت پر وخت د نصاب آپډيټ کول او نصاب به مو د نړيوالو سره برابر شي.

·       ټولنې ته د داسې فارغانو وړاندې کول که د فشار لاندې هم اوسي نو خپل کار په ښه ډول تر سره کړي.

·       عصري ټکنالوژۍ ته وده ورکول تر څو چې ستوماتولوژي پوهنځی د نړيوالو تخنيکونو سره انډول شي.